عەتا قەرەداغی – خاکی غەریبی
ئاواز وگۆرانی: عەتا قەرەداغی
من لە خاکی غەریبیدا،
عادەتم شین و گریانە
وەرە و سەیرێکی حاڵم کە،
بزانه چەن پەرێشانە
سینەم پڕ ئاە و حەسرەتە،
دڵم وەختە لەت‌لەت ئەبێ
بە بای سەبا جواب ئەنێرم،
حاڵی ئازیز ئەبێ چی بێ
کە تۆم جێ هێشت دڵم مرد و
تەرکی بەهار و گوڵم کرد
شەوی دوێنێ هەر نەخەوتم
ئەشکی چاوم وشکی نەکرد
تاکە دارێ جێژوانمان بوو،
تۆ بڵێی ئەو دارە مابێ
حەز ئەکەم بچمە خزمەتی
بەڵکوو شوێن پێی تۆی لێ مابێ
خۆزگە تەمەن ڕێگەی بایه
یەک دیدارمان ساز کردایە
لەو دیداره تێر تێر بۆنی
زوڵفی خاوتم بکردایه
من لە خاکی غەریبیدا،
عادەتم شین و گریانە
وەرە و سەیرێکی حاڵم کە،
بزانه چەن پەرێشانە
