عەدنان کەریم – دڵم بۆ زوڵف و ڕووی جانانە ئەگری
شیعری: بێخود
ووتنی: عەدنان کەرێم
دڵم بۆ زوڵف و ڕووی جانانە ئەگری
مناڵە و بۆ گوڵ و ڕێحانە ئەگری
چرا ئیمشەو کەوا فرمێسک ئەڕێژێ
ئەڵێی ھەر بۆ منی پەروانە ئەگری
ئەکا شاباشی کێ دەریایی دیدەم
کە چەشنی گەوھەری یەکدانە ئەگری؟
شەوێ بێ زوڵفی ئەو مەھپارە تا ڕۆژ
دڵم بۆ سینەچاکی شانە ئەگری
بە خەندەی زۆری من دێوانە ئەگری
بە گریانی کەمم فەرزانە ئەگری
بە تاریکی دەروونم گەر بزانی
ھەتا ڕۆژ وەك چرا پەروانە ئەگری
دوو دیدەی نێرگسینی پڕ لە لالەم
لە دەوری لێوی ئەو چاوجوانە ئەگری
غەزاڵی من ئەگەر ساتێ نەبینێ
بیابان قوڕ ئەپێوێ، لانە ئەگری
دڵم بۆ زوڵف و ڕووی جانانە ئەگری
مناڵە و بۆ گوڵ و ڕێحانە ئەگری
چرا ئیمشەو کەوا فرمێسك ئەڕێژێ
ئەڵێی ھەر بۆ منی پەروانە ئەگری
