کەمال محەمەد – وەرن یاران
شیعر: ئەخۆل
وەرن یاران تەماشا کەن لە حاڵم چەن پەرێشانە
لە لایە ڕۆیینی یارم لە لایە شین و گریانە
چە خاکێ کەم بەسەر خۆما کە ڕۆی ئەو بێوەفایەم وا
بە تەنها مامەوە بێکەس بە دائیم حاڵم ئەفغانە
دەسا تەدبیر و ڕاهێ کەن لەپاش یارم ئەمن چیبکەم
ئیتر عەیشی هەموو دنیا لەلای من قەهر و هیجرانە
چە شۆخێ بوو چە ڕۆحێ بوو دڵی سووتانم و ڕۆیی
لە قەسری سەرکەشی ئەفلاک خراومە چاهـ و زیندانە
