بەهجەت یەحیا – ئەی لایە لایە
هۆنراوە و ئاواز و موزیك
بەهجەت یەحیا
ساڵی ١٩٩١ تۆمارکراوە
مقام:
دەلایلایەم بۆکە دەی
تاتەواو خامۆشم کەی
هەتا هەموو هیلاکیی
عومرم لەگیان دەرنەکەی
دەخیلتم سەری کاسم
لەباوەوشتا لانەبەی
ئەی لایلایە
ئەی لایلایە ئەی لایلایە
ئەرێ تاکەی دەنگت نایە
بەبێ تۆ خامۆش نابم
داوێنگیری خەو نابم
وەی لۆ وەی لۆ وەی لۆ وەی لۆ
وەی لۆ وەی لۆ وەی لێ لێ
لایلایە لایە لایە
لایلایە لایە لایە
کە ئەڵێی لایلایە
سەبووریی دڵ دایە
ئەمشەو دڵ بۆتە مەلۆتکەی ساوا
خەو لەسەر پێڵوی چاوی تەراوە
دەخیلم بەلایلای بیلاوێنە
هەناوم ماندووە بیحەسێنە
وەی لۆ وەی لۆ وەی لۆ وەی لۆ
وەی لۆ وەی لۆ وەی لێ لێ
لایلایە لایە لایە
لایلایە لایە لایە
ئەی هاوڕێی هەتاییم
پەناگای تەنهاییم
وادیارە ئەمشەو ئەگرین شەوارە
مانگەشەو سەرلە ئێوارە دیارە
تابەیان بۆم بڵێ پڕ بە دەنگت
ئەسووتێم قەت ناژیم دوور لە ڕەنگت
وەی لۆ وەی لۆ وەی لۆ وەی لۆ
وەی لۆ وەی لۆ وەی لێ لێ
لایلایە لایە لایە
لایلایە لایە لایە
