مه‌حموی تۆفیق شلك – دیارم دەیری عیشقە
شیعری: مەحوی
مقام: سەفەر
دیارم دەیری عیشقە، جێ بە سووتن بێ لە وێ دەگرم
کە من مشتێ چڵ و چێوم، بە چی بم، کەڵکی کێ دەگرم!
نەگەییە دامەنی دەستی دوعا، جا دەبمە خاکی ڕێی
تەریقەی گۆشەگیری بەردەدەم، ئەمجارە ڕێ دەگرم
چ شۆخە ئاگرم تێ بەردەدات و پێم دەڵێ: یا شێخ!
بە خاشاکی دەوت شوعلە، عەسامە دەستی پێ دەگرم
شوکر ھوشیارە مەحوی، تێ دەگا دنیا خەراباتە
کە بەدمەستی بکا ئەھلی، خراپەی بۆچی لێ دەگرم!
