کامەران مستەفا / تیپی مۆسیقای بابان – چراغ و نەوشە
هۆنراوەی: بێسارانی
چراغ وەنەوشە چنوور چەنی گوڵ
عەزەم ڕای ویساڵ تۆشان ھا نە دڵ
چنوور جە سەرکۆ وەنەوشە جە چەم
گوڵ جە گوڵستان وەھەم بیەن جەم
واتشان بە من بەندەی فڵانی
چوون حاڵ زانەنی بە حاڵ مەزانی
بۆ نە ڕای ئەڵڵا بکەرە کارێ
بیاومێ بە وەسڵ ئەو دڵبەر جارێ
چراغ ھا ھەر سێم بەستەن بە دەستە
چ دەستە؟ دەستەی زگاران بەستە
ھەر سێم ئاوەرد چوون خاکساران
هەر یەك وایەی وێ وە چەم مەداران
چنوور پەی زوڵفت پەشێو حاڵشەن
وەنەوشە سەودای خاڵ خەیاڵشەن
گوڵ پەی جەمینت مەسۆچۆ چوون شەم
جەدووریت نیشتەن نە پای خاری خەم
ساحیب پایەنی، بڵند بۆ پایەت
باوات لە گێران ھەر یۆ جە مایەت
