نەریمان / تیپی مۆسیقای بابان – ڕوخان
هۆنراوەی: شاد لەتیف
ئەی ئەو کەسەی خۆشم ویستی منت ناوێت وەها دیارە
وا ئەڕۆم و بارگەی خەمم لە کۆڵ ئەنێم دوا بڕیارە
لە بیرد دێ هەواڵی تۆ وەکو زامی دڵم وابوو
زامی دڵم بۆ هەواڵی وەکو مافێکی ڕەوابوو
لە بیرد دێ ڕۆژێکی ڕەش ڕێگای من و تۆشی گۆڕی
هەناوی من هێور هێور خەم و داخی لێ ئەچۆڕي
لەوساتەوە وەكو لێزنە، وەکو بارانی بەهارێ
بۆ شیوەنی جیابوونەوە بارانی ئەشکم ئەبارێ
وا ئەڕۆم و ئیتر هەرگیز بانگم نەکەی وەکو جاران
ئیتر ڕیگای خۆم گۆڕیوە ڕزگار ئەبم لە خەم باران
