حەسەن زیرەك – دەچمە سەر ناڵە شکێنێ
دەچمە سەر ناڵەشکێنێ
دەچمە سەر ناڵەشکێنێ بەرامبەر بە بۆکانێ
ئەی وەی بەرامبەر بە بۆکانێ
یاری من هەر نەجیبە، باریکە و نەشمیلانێ
مردم، کورتێ خاڵ دانە دانێ
دەچمە سەر ناڵەشکێنێ بەرامبەر مەحموودئاوا
ئەی وەی بەرامبەر بە میراوا
یاری من هەر کەژاڵە، چاوی کاڵە
سوورە گوڵی باخی ساوا
توخودا پێم بڵێ بۆچی تۆراوە
دەچمە سەر ناڵەشکێنێ بەرامبەر بە میاندواوێ
ئەی وەی بەرامبەر بە میاندواوێ
عاشقی باڵای لێو ئاڵ بووم
چی لێ بکەم، کوڵمەی گوڵی سێڵاوێ
ئەی وەی دنیام بێ وی من ناوێ
دەچمە سەر ناڵەشکێنێ بەرامبەر بە سابڵاغی
ئەی وەی بەرامبەر خاتوون باغی
یاری من هەر کەژاڵە، چاوی کاڵە
بۆچی لە من بووە یاغی؟
دەچمە سەر ناڵەشکێنێ بەرامبەر بە عەلیاباد
ئەی وەی بەران ماڵی عەلیاباد
عاشقی چاوی کەژاڵم، شیرینە، بە وێنەی نەبات
هاوار! مەحتەل بووم بۆچی نەهات؟
دەچمە سەر ناڵەشکێنێ، بەرامبەر ماڵی شێخلەر
ئەی وەی بەرامبەر من بە شێخلەر
عاشقی باڵای نەجیبم، نەجیبم قەد باریکەی ڕەش ئەسمەر
هاوار قەد باریکەی ڕەش ئەسمەر
التعليقات مغلقة.