عەدنان کەریم – چــــــاوەکـــــەم
چــــــاوەکـــــەم
وتنی : عەدنان کەریم
شیعری: صافی هیرانی
چــــــاوەکـــــەم چـــــاوم بەدایــم ئینتیزاری تۆ ئــــەکا .
شەو بەیادی دیـــــدەنت یـــــادی گــوڵی شەوبۆ ئەکا .
ئـــــاوازی عــــیشقت دەروونــی وا ســەراسەر گرتوم .
دوودی ئاهم والەسەر چــــــەرخی بەرین بۆن سۆ دەکا .
دڵ لەبەر دەردی فــــــیراقی یارە مەیلــی مەی دەکـــا .
گوێی لە دەنگی سازو عوود و بەزمی نای و نەی دەکا .
ســـــەردەمێ مەست و خــومارە خادیمی مەیخانەیە .
کاتێ تەسبیحی لەدەستە سۆفیە حەی حــەی دەکا .
رۆژی وایە هـــــەر بەکـــەیف و پێکــــەنین و خەندەیە .
بەعـــزە جــــــار مەجــنوونە دایــم گریە بۆ لەیلای دەکا .
دڵ لــــە بۆ مـــــــەحبووبە ئێســــتا گریەو زاری دەکا .
وا لەهەردوو چـــــاوەکانی خوێن و ئاو جــــاری ئەکــا .
زۆر بەئــــــــــازارە دەڵـێ زارم لەبەر هــــــیجرانی یار .
ناحـــــەقە ئەو عـــــالەمە لـــەو زارە بێــــــزاری ئەکا .
قەد مــــــەڵێن یار نێوەفــــــــایە وابە ناحەق دەیکوژێ .
بیکوژێ یا نەیکـــــــوژێ ”سافی” فـــــیداکاری دەکـا .
التعليقات مغلقة.