Karim Kaban – Nazanm Chon Xoshmwisty

کەریم کابان

کەریم کابان – نازنم چۆن خۆشم ویستی

نازانم چۆن خۆشم ویستی

وتنی: کەریم کابان

هۆنراوەی: د. فه‌ره‌یدون عه‌بدول به‌رزنجی / هه‌ولێر / ئایاری 1984

نازانم چۆن خۆشم ویستی
تا ئه‌وپه‌ڕی خۆشه‌ویستی
خولیای عه‌شقت هه‌موو شه‌وێ
فرمێسكی‌ تازه‌ی لێم ئه‌وێ

تۆ هه‌وێنی شعری تازه‌ی 
شه‌وانی پڕ ئه‌ندێشه‌می
تۆ برینی به‌ ئازاری
رۆژانی پڕ له‌ كێشه‌می

له‌هه‌ر كوێ بم خۆشم ئه‌وێی
له‌ هه‌ر كوێ بی بیرت ئه‌كه‌م
ئه‌و جێگایه‌ی تۆی لێ نه‌بێ
بۆنی غه‌ریبی لێ ئه‌كه‌م

كه‌ هه‌ست به‌ دووری تۆ ئه‌كه‌م
باڵدارێكم به‌ بێ لانه‌
كه‌ من هه‌رگیز به‌ تۆ نه‌گه‌م
ئیتر بۆ نه‌بمه‌ دێوانه‌ 

Print Friendly, PDF & Email