عدنان کەریم – پەیامی من
په‌یامی من
ووتنی: عدنان کەریم
په‌یامی من به گوێی ئه‌م دولبه‌ره نازداره ڕاناگا
نه‌سیم بێسیم ده‌بینێ، شل ده‌بێ، به‌م کاره ڕاناگا
گوتی سه‌برت هه‌بێ دووباره دێمه دیتنت ، ئه‌مما
له کورتی دا ته‌مه‌ن، وا دیاره به‌و دیدارە ڕاناگا
وه‌کوو په‌روانه ده‌وری لێ ده‌ده‌ن لاوانی خۆ وڵاتی
گوڵی ئێره به ژوانی بولبولی ئاواره ڕاناگا
نه‌خۆش و ده‌رده‌دار و دڵ بریندارم، په‌رستارێک
به حاڵی ئه‌م دڵه پڕ ژان و پڕ ئازاره ڕاناگا
ده‌که‌ی ماچی ده‌م و لێوان ئه‌گه‌ر هێز و گوڕێکت بێ
ده‌نا جوانێک به ده‌ردی ئاشقی بێچاره ڕاناگا
ده‌بێ بولبول له من فێر بێ غه‌زه‌لخوانی، به‌ڵام چ بکه‌م
گرفتارم ، چریکه‌م به‌و گوڵ و گوڵزاره ڕاناگ
Comments are closed.