کاروان عوسمان – جامی لێوت
خەمی تۆمە
ئاوازو ووتنی: کاروان عوسمان
هۆنراوەی : حەسیب قەرەداخی
جــــامی لێوت فرو بێنە بۆ سەر لێـــوم
بۆ نازانی چەند تینوم و چەند پەشێوم
بـــێ،دەفتەری دڵم تەی کە، دیارییە
هەر بۆ کاراسکی چاوی تۆ جێ یارییە
من ئازاری خۆم خۆش دەوێ و ماکی خۆمە
هەرگیز خەمێ بۆخۆم ناخۆم خەمی تۆمە
باچاوی تۆ بۆ کوشتنم تەرخان نەبێ
بازوڵفی لوول من شێت نەکا و پەخشان نەبێ
بائاغر بێ هاتووچۆکەى وەك جارانت
مەیکە بە تۆف ڕشێنەکەی بەهارانت
چاو داگرە، لێت هاتووە، بەڵام بە ناز
مەلی دڵم دەستەمۆیە، بۆچییتە باز
خوا پێداوی جوانیت هەیە لێم بپرسن
خوا پێداوان تۆی لێ دەرچێ ئێسك قورسن
ئەو جوانیەی لای تۆ نەبێ کەی جوانییە؟
شانم باری تۆ هەڵنەگرێ پێ شانییە
بۆیە شانم دایە باری ئەم خولییایە
دنیا بە بێ ئەوینی تۆ هیچی تیایە
لەگەڵ تەنافا قۆڵی تۆم بکرێتە مل
لە چاوی پیسی جەللادا ئەبم به گل
عاشق نییە لەم دنیایە بگات بە من
دێوانەکان من ڕابەرم بۆ کوێ ئەچن
گری گری خڕ ببنەوە ڕۆژی جــــــــــەمە
ڕێی هەمومان بۆ لایەکە، بەرەو شەم
https://www.youtube.com/watch?v=bqtOVaLIO28&pbjreload=102
التعليقات مغلقة.