مەزهەری خالقی – گوڵی پاراو
شیعر: صافی هیرانی
چنووری پای شەتاوان سووره هەڵاڵەی ساوان
وێنەی زوڵف و گۆناتن تاقه نازداری باوان
بەخوا جوان و شیرینه ڕوو بەخاڵ و لێو نەخشینه
له نــاو باخ هاتـــەوه لــه من تـــۆراوه
گۆنا ئاڵ هاتـــەوه بۆچـــی گۆڕاوه
یـــاری نـــازدار هێـــزی هەنــــاوەکەم
گوڵی نەوڕەست خونچەی شەکاوەم
بەخوا جوان و شیرینه ڕوو بەخاڵ و لێو نەخشینه
ئـــەی نــەو بــــووکی کـــوردستــــان
سەرده لیلــــەی چـــــاو مەستــــان
هەستـــــه دەستـــی یەك بگــــرین
بچیـــن بـــۆ سەیـــری کــوێستــــان
بەخوا جوان و شیرینه ڕوو بەخاڵ و لێو نەخشینه
له نــــاو ڕان هاتـــەوه یـــاری نازدارم
بەلەنجـــەو لارەوه یـــاری غەم خۆرم
مانگـــی تابـــان شەوی پـــەژارەکەم
تەنیــــا هەوای دڵـــەی هـــەژارەکەم
بەخوا جوان و شیرینه ڕوو بەخاڵ و لێو نەخشینه
