کەویار – من و دڵ
گۆرانی: من و دڵ
وتنی:کەویار
هۆنراوه : عابید سیراجه‌دین
ئاواز: حه‌سه‌ن یوسف زه‌مانی
دانانی موزیك : توانا خورشید
ڕۆژێ من و دڵ بولبولی دڵ شادی چەمەن بووین
هاوڕازی گوڵی گوڵشەن و نەسرین و سەمەن بووین
ئاسکی لە خەما و زادی دەروون دەشت و دەمەن بووین
فارق لە جەفای ڕەوکیژ و لە داو و کەمەن بووین
ئێستا کە بەبێ ڕەونەق و ژاکاوە دڵی من
لەو ڕۆژەوە ڕۆیشتووە تۆراوە دڵی من
هەرچەند دەگەڕێم بێ سەروشوێن ماوە دڵی من
کوا جیلوەیی گوڵ کوانێ سەفا و ڕەونەقی گوڵزار
کوا دیمەنی پڕ نەقش و نیگاری کەژ و کۆسار
کوا مەستی و کوا بادە و کوا شادییەکەی پار
کوا نەرگزی شەهلا و دوو چاوی ڕەشی دڵدار
کەی شەوق و سەفا و شادییەکەی ماوە دڵی من
لەو ڕۆژەوە ڕۆیشتووە تۆراوە دڵی من
هەرچەند دەگەڕێم بێ سەروشوێن ماوە دڵی من
التعليقات مغلقة.